୧୬ ସେପ୍ଟେମ୍ବର ୨୦୧୭ ସୁଦ୍ଧା ମୋଟ ୯୧୪ ରକ୍ତଦାନ ଶିବିରରୁ ୪୪୮୨୯ ୟୁନିଟ୍ ରକ୍ତ ସଂଗୃହୀତ। ୧୮ ଅଗଷ୍ଟ ଯୁବ ସ୍ବାଭିମାନ ଦିବସରେ ରେକର୍ଡ଼ - ରାଜ୍ୟବ୍ୟାପୀ ୬୫ ରକ୍ତଦାନ ଶିବିରରୁ ୫୧୧୪ ୟୁନିଟ୍ ରକ୍ତ ସଂଗୃହୀଦ। ରକ୍ତଦାତାଙ୍କୁ ଅଭିନନ୍ଦନ।
‘ଆମ ଓଡ଼ିଶା’ ଯୁବ ବାହିନୀ
‘ଆସ ଗଢ଼ିବା ଆମ ଓଡ଼ିଶା’ ଅଭିଯାନରେ ଅଧିକରୁ ଅଧିକ ଯୁବକଙ୍କୁ ସାମିଲ କରିବା ‘ଯୁବବାହିନୀ’ର ଲକ୍ଷ୍ୟ ୤ ଓଡ଼ିଶାର ବିକାଶ କେବଳ ସ୍ବାଭିମାନୀ ଓଡ଼ିଆ ଯୁବକଙ୍କ ଦ୍ବାରା ସମ୍ଭବ ୤ ସ୍ବାଭିମାନୀ ଯୁବକଙ୍କୁ ରକ୍ତଦାନ କରିବାକୁ ପ୍ରୋତ୍ସାହିତ କରିବା ସଂଗେ ସଂଗେ ସେମାନଙ୍କୁ ନେଇ ଏକ ସୁଦୃଢ଼ ସଂଗଠନ ନିର୍ମାଣ କରିବା ଯୁବବାହିନୀର ଉଦ୍ଦେଶ୍ୟ ୤ ଓଡ଼ିଶାର ୬୨୩୪ଟି ଗ୍ରାମପଞ୍ଚାୟତରେ ଆଗାମୀ ଦୁଇ ବର୍ଷ ମଧ୍ୟରେ (୩୧ ମାର୍ଚ୍ଚ ୨୦୧୩ ସୁଦ୍ଧା) ଯୁବ ବାହିନୀକୁ ସଶକ୍ତ କରିବାର ଲକ୍ଷ୍ୟ ସ୍ଥିର କରାଯାଇଛି ୤ ଏହି ଅଭିଯାନରେ ପ୍ରତି ଗ୍ରାମପଞ୍ଚାୟତରୁ ଅନ୍ୟୁନ ୫ ଜଣ ଯୁବକଙ୍କୁ ଏକାଠି କରି ‘ଆମ ଓଡ଼ିଶା’ ର ‘ଆମେ ସ୍ବାବଲମ୍ବୀ’ ଯୋଜନାରେ ସାମିଲ କରାଯିବ୤ ସେମାନଙ୍କୁ ରୋଜଗାରକ୍ଷମ କରାଯିବା ସହିତ ନୂଆ ଓଡ଼ିଶା ଗଠନ ଅଭିଯାନରେ ବ୍ରତୀ କିରବା ପାଇଁ ବିଭିନ୍ନ ପ୍ରକାରର ସଚେତନତା ତଥା ପ୍ରୋତ୍ସାହକ ପ୍ରଶିକ୍ଷଣ ଶିବିର ମାନ ଆୟୋଜନ କରାଯିବ ୤

ଯୁବ ବାହିନୀର ସଂକଳ୍ପ

  • ବୟସର ମାପକାଠିରେ ନୁହେଁ, ମୋର ପ୍ରବଳ ଇଚ୍ଛାଶକ୍ତି ଅଛି ବୋଲି ମୁଁ ଯୁବକ ୤
  • ମୁଁ ଚାରିଟି ‘ନି’ କୁ ପାଳନ କରିବି-ନିରୋଗ ରହିବି, ନିରାଡମ୍ବର ଜୀବନ ବିତାଇବି, ନିଷ୍ଠାପର ହେବି ଓ ନିଡର ହେବି ୤
  • ମୁଁ ମୋ ସାନଭାଇ, ଭଉଣୀମାନଙ୍କୁ ଓଡ଼ିଆ ଲେଖିବା, କହିବା ଓ ପଢ଼ିବା ପାଇଁ ଏବଂ ଓଡ଼ିଶାକୁ ଚିହ୍ନି ଭଲପାଇବା ପାଇଁ ଉତ୍ସାହିତ କରିବି ୤
  • ଓଡ଼ିଶାରେ କାହାରିକୁ ରକ୍ତ ଅଭାବରୁ ମରିବାକୁ ଦେବିନାହିଁ ୤ଏଥିପାଇଁ ବର୍ଷରେ ଅନ୍ତତଃ ଥରେ ନିଜେ ରକ୍ତ ଦେବି ଏବଂ ରକ୍ତଦାନ କରିବା ପାଇଁ ଅନ୍ୟକୁ ଉତ୍ସାହିତ କରିବି ୤
  • ନେତାଜୀ ସୁଭାଷ ଚନ୍ଦ୍ର ବୋଷ କହିଥିଲେ, ‘ମୋତେ ରକ୍ତଦିଅ, ମୁଁ ତୁମକୁ ସ୍ବାଧିନତା ଦେବି’ ୤ ସ୍ବାଧୀନ ଭାରତର ଯୁବନାଗରିକ ଭାବରେ ମୁଁ କହିବି, ‘ମୁଁ ରକ୍ତଦେଇଛି, ଓଡ଼ିଶାକୁ ନୂଆକରି ଗଢ଼ିବା ପାଇ ମୋତେ ସୁଯୋଗ ଦିଅ’ ୤

କାର୍ଯ୍ୟକ୍ରମ
ସମସ୍ତ ଜିଲ୍ଲାକେନ୍ଦ୍ରରେ ଏହି ପ୍ରଶିକ୍ଷଣ ଶିବିର ଆଗାମୀ ଅଗଷ୍ଟ ଓ ସେପ୍ଟେମ୍ବର ମାସରେ ଅନଷ୍ଠିତ ହେବ ୤ ଏହି ପ୍ରଶିକ୍ଷଣ ଶିବିର ପୂର୍ବରୁ ସମସ୍ତ ବ୍ଳକ ଶାଖାମାନ ଗଠନ ହୋଇ ସାରିଥିବା ଦରକାର ୤ ଏହି କାର୍ଯ୍ୟକ୍ରମକୁ ବ୍ୟାପକ ଓ ପ୍ରଭାବଶାଳୀ କରିବାକୁ ‘ଯୁବ ବାହିନୀ’ ସଂଯୋଜକଙ୍କ ଉପରେ ଦାୟିତ୍ବ ନ୍ୟସ୍ତ କରାଯାଇଛି ୤

ସତ୍ବ ଅଧିକାର © ୨୦୧୬, ଆମ ଓଡ଼ିଶା   ଗୁରୁତ୍ବପୁର୍ଣ୍ଣ ୱବସାଇଟ୍   |   ଘୋଷଣାନାମା  |   ସର୍ତ୍ତାବଳୀ   |   ଲଗ୍‌ଇନ୍
ୱେବସାଇଟ୍ ପ୍ରସ୍ତୁତି ଓ ପରିଚାଳନା : ବାଟୋଇ ସିଷ୍ଟ୍ମସ୍ ପ୍ରାଇଭେଟ୍ ଲିମିଟେଡ୍   |