୧୬ ସେପ୍ଟେମ୍ବର ୨୦୧୭ ସୁଦ୍ଧା ମୋଟ ୯୧୪ ରକ୍ତଦାନ ଶିବିରରୁ ୪୪୮୨୯ ୟୁନିଟ୍ ରକ୍ତ ସଂଗୃହୀତ। ୧୮ ଅଗଷ୍ଟ ଯୁବ ସ୍ବାଭିମାନ ଦିବସରେ ରେକର୍ଡ଼ - ରାଜ୍ୟବ୍ୟାପୀ ୬୫ ରକ୍ତଦାନ ଶିବିରରୁ ୫୧୧୪ ୟୁନିଟ୍ ରକ୍ତ ସଂଗୃହୀଦ। ରକ୍ତଦାତାଙ୍କୁ ଅଭିନନ୍ଦନ।
‘ଆମ ଓଡ଼ିଶା’ ସ୍ବେଚ୍ଛାକୃତ ରକ୍ତଦାନ ଅଭିଯାନ
ସଂକଳ୍ପ : ‘ଓଡ଼ିଶାରେ ରକ୍ତର ଅଭାବରୁ କାହାରିକୁ ମରିବାକୁ ଦେବାନାହିଁ’ - ସୌମ୍ୟରଂଜନ ପଟ୍ଟନାୟକ, ଅଧ୍ୟକ୍ଷ, ‘ଆମ ଓଡ଼ିଶା’

ଏହି ସଂକଳ୍ପ ନେଇ ‘ସମ୍ବାଦ- ଆମ ଓଡ଼ିଶା’ ପରିବାର ପକ୍ଷରୁ ରାଜ୍ୟବ୍ୟାପି ରକ୍ତଦାନ କାର୍ଯ୍ୟକ୍ରମ ୨୦୦୬ ମସିହାରୁ ଅନୁଷ୍ଠିତ ହୋଇଆସୁଛି ୤ ଏହି କାର୍ଯ୍ୟକ୍ରମକୁ ଅଧିକ ଲୋକାଭିମୁଖୀ ତଥା ତୃଣମୂଳ ସ୍ତରରେ ଆୟାଜନ କରିବାକୁ ସ୍ଥିର କରାଯାଇଛି ୤ ରାଜ୍ୟର ୩୧୪ଟି ବ୍ଳକ ଓ ୧୦୫ଟି ପୌରାଞ୍ଚଳରେ ଚଳିତବର୍ଷ ସ୍ବେଚ୍ଛାକୃତ ରକ୍ତଦାନ ଶିବିର ମାନ ଆୟୋଜନ କରାଯିବ ୤

ଲକ୍ଷ୍ୟ :
ଚଳିତ ବର୍ଷ ଅତିକମ୍ ରେ ୭୦୦ଟି ରକ୍ତଦାନ ଶିବିର ଆୟୋଜନ କରାଯାଇ ୫୦,୦୦୦ ୟୁନିଟ୍ ରକ୍ତ ସଂଗ୍ରହ କରାଯିବାକୁ ଲକ୍ଷ୍ୟ ସ୍ଥିର ହୋଇଛି ୤

ଯୋଜନା:
  • ୩୧୦ଟି ବ୍ଲକ କେନ୍ଦ୍ରରେ ଛୋଟ ରକ୍ତଦାନ ଶିବିର (୨୫-୫୦) ଆୟୋଜନ କରାଯାଇ ୧୦,୦୦୦ ୟୁନିଟ୍ ରକ୍ତ ସଂଗ୍ରହ କରାଯିବ ୤
  • ଅନ୍ୟୁନ ୩୦୦ଟି ସ୍ଥାନରେ (ବ୍ଲକ କେନ୍ଦ୍ର) ମଧ୍ୟମ ଧରଣର ରକ୍ତଦାନ ଶିବିର (୫୧-୧୦୦) ଆୟୋଜନ କରାଯାଇ, ପ୍ରାୟ ୨୫,୦୦୦ ୟୁନିଟ୍ ରକ୍ତ ସଂଗ୍ରହ
    କରାଯିବ ୤
  • ଅନ୍ୟୁନ ୬୦ଟି ବଡ ରକ୍ତଦାନ ଶିବିର (୧୦୧-୨୦୦) ଜିଲ୍ଲା କେନ୍ଦ୍ର ମାନଙ୍କରେ ଆୟୋଜନ କରାଯାଇ ୭୦୦୦ ୟୁନିଟ୍ ରକ୍ତ ସଂଗ୍ରହ କରାଯିବ ୤
  • ରାଜ୍ୟର ପ୍ରମୁଖ ସହର ତଥା ‘ସମ୍ବାଦ’ ର ପ୍ରକାଶନ କେନ୍ଦ୍ରମାନଙ୍କରେ ଅନ୍ୟୁନ ୨୫ଟି ମିନି-ମେଗା ରକ୍ତଦାନ ଶିବିର (୨୦୧-୫୦୦) ଆୟୋଜନ କରାଯାଇ ୫୦୦୦ ୟୁନିଟ୍ ରକ୍ତ ସଂଗ୍ରହ କରାଯିବ ୤
  • ଭୁବନେଶ୍ବର, କଟକ, ସମ୍ବଲପୁର, ରାଉରକେଲା ଓ ବ୍ରହ୍ମପୁର ଠାରେ ଅନ୍ୟୁନ ୫ଟି ମେଗା ରକ୍ତଦାନ ଶିବିର ଆୟୋଜନ କରାଯାଇ ୩୦୦୦ ୟୁନିଟ୍ ରକ୍ତ ସଂଗ୍ରହ କରାଯିବ ୤
କୌଶଳ:
  • ୨୩ ଜାନୁୟାରି ଗଣଦୌଡ କାର୍ଯ୍ୟକ୍ରମରେ ଯେଉଁମାନେ ଭାଗନେଇ ‘ଓଡ଼ିଶାରେ ରକ୍ତର ଅଭାବରୁ କାହାରିକୁ ମରିବାକୁ ଦେବାନାହିଁ’ ବୋଲି ସଂକଳ୍ପ ନେଇଥିଲେ, ସେମାନଙ୍କର ନାମ, ପୂର୍ଣ୍ଣ ଡାକ ଠିକଣା ଓ ମୋବାଇଲ୍ ନମ୍ବରକୁ ଗ୍ରାମପଞ୍ଚାୟତ ଅନୁଯାୟୀ ବିଧିବଦ୍ଧ ଭାବେ ଲିପିବଦ୍ଧ କରିବାକୁ ହେବ ୤
  • ସଂକଳ୍ପ ନେଇଥିବା ଏହି ବ୍ୟକ୍ତିମାନଙ୍କ ସହ ସମ୍ପର୍କ ସ୍ଥାପନ କରି, ସେମାନଙ୍କୁ ରକ୍ତଦାନ କାର୍ଯ୍ୟକ୍ରମରେ ସାମିଲ କରିବାକୁ ହେବ ୤
  • ପରବର୍ତ୍ତୀ ପର୍ଯ୍ୟାୟରେ ସ୍ଥାନୀୟ ମହାବିଦ୍ୟାଳୟ, କ୍ଲବ, ପାଠାଗାର ଓ ଯୁବକ ଯୁବତୀମାନଙ୍କୁ ମଧ୍ୟ ସ୍ବେଚ୍ଛାକୃତ ରକ୍ତଦାନ ଅଭିଯାନରେ ସାମିଲ କରିବାକୁ ହେବ ୤
ରକ୍ତଦାନ ଶିବିରର ପୂର୍ବ ପ୍ରସ୍ତୁତି:
  • ସ୍ଥାନୀୟ ଶିକ୍ଷାନୁଷ୍ଠାନ, ଯୁବ ଗୋଷ୍ଠୀ ଓ ‘ଆମ ଓଡ଼ିଶା’ ଶୁଭେଚ୍ଛୁମାନଙ୍କ ସହ ସଂପର୍କ ସ୍ଥାପନ ଏବଂ ରକ୍ତଦାନ ଶିବିରର ତାରିଖ ଓ ସ୍ଥାନ ନିରୂପଣ ୤
  • ସମ୍ଭାବ୍ୟ ସ୍ବେଚ୍ଛାକୃତ ରକ୍ତଦାତାଙ୍କ ମଧ୍ୟରେ ସଚେତନତା ଓ ପ୍ରୋତ୍ସାହନ କାର୍ଯ୍ୟକ୍ରମ୤ ‘ଆମ ଓଡ଼ିଶା’ ରକ୍ତଦାନ ଅଭିଯାନର ପୋଷ୍ଟର ପ୍ରଦାନ ଏବଂ ରକ୍ତଦାନ ଶିବିରର ପ୍ରଚାର ଆୟୋଜନ ୤
  • ଆକଳନ କରାଯାଇଥିବା ରକ୍ତ ସଂଗ୍ରହ ସଂଖ୍ୟା ଦୃଷ୍ଟିରୁ ଛୋଟ ବା ବଡ ଘର ଦରକାର ତାହାର ନିଷ୍ପତ୍ତି ନେଇ ସେହି ଅନୁସାରେ ଖଟ, ଗଦି, ଚାଦର, ଟେବୁଲ, ଚଉକି ଇତ୍ୟାଦିର ବ୍ୟବସ୍ଥା ୤
  • ସ୍ଥାନୀୟ ରକ୍ତ ଭଣ୍ଡାର ସହ ଯୋଗାଯୋଗ କରି ପତ୍ର ପ୍ରଦାନ ୤ ପତ୍ରରେ ଆକଳନ କରାଯାଇଥିବା ସଂଖ୍ୟା ଲେଖାଥିବା ଆବଶ୍ୟକ ୤ ସେହି ଅନୁସାରେ ରକ୍ତ ଭଣ୍ଡାରର କର୍ମଚାରୀ ପ୍ରସ୍ତୁତ ହୋଇ ଆସିବେ ୤
  • ରକ୍ତଦାତାଙ୍କ ପାଇଁ ଯଥେଷ୍ଟ ଶର୍କରା ଥିବା ପୁଷ୍ଟିକର ଜଳଯୋଗର ବ୍ୟବସ୍ଥା ୤
  • ରକ୍ତଦାନ ଶିବିର ପରିଦର୍ଶନ ପାଇଁ ଗଣମାଧ୍ୟମ ପ୍ରତିନିଧି ମାନଙ୍କୁ ନିମନ୍ତ୍ରଣ ୤
  • ରକ୍ତଦାନ ଶିବିରକୁ ନିମ୍ନୋକ୍ତ ମାମଗ୍ରୀ ସଂଗରେ ନେଇ ଯିବେ :
    ପଞୀକରଣ ଫର୍ମ, ରକ୍ତଦାନ ପ୍ରମାଣପତ୍ର, ରକ୍ତଦାନ ଅଭିଯାନ ବ୍ୟାନର, ସେଲୋଟେପ୍, କଇଁଚି, କଲମ ଇତ୍ୟାଦି ୤
ରକ୍ତଦାନ ଶିବିର ସମୟରେ :
  • ରକ୍ତଦାନ ସଂଗ୍ରହ ପାଇଁ ଉଦ୍ଦିଷ୍ଟ ଗୃହଟି ଭଲଭାବରେ ସଫାସୁତରା ହୋଇଥିବା ଦରକାର ୤ ଗୃହ ଏ.ସି.ହୋଇଥିବ ବା ଗୃହ ମଧ୍ୟକୁ ମୁକ୍ତ ପବନ ଯିବା ଆସିବା କରୁଥିବା ଆବଶ୍ୟକ ୤
  • ‘ଆମ ଓଡ଼ିଶା’ର ବ୍ୟାନର ରକ୍ତଦାନ ଗୃହର ପ୍ରମୁଖ ସ୍ଥାନରେ ଲଗାହେବା ଆବଶ୍ୟକ ୤
  • ପଞୀକରଣ ପାଇଁ ନିର୍ଦ୍ଦିଷ୍ଟ ସ୍ଥାନରେ ଦାୟିତ୍ବରେ ଥିବା ସ୍ବେଚ୍ଛାସେବୀ ଆବଶ୍ୟକ ସାମଗ୍ରୀ ସହିତ ବସିବା ଦରକାର ୤ ଉକ୍ତ ସ୍ଥାନରେ ରକ୍ତ ଭଣ୍ଡାର ପକ୍ଷରୁ ପଞୀକରଣ ପାଇଁ ମଧ୍ୟ ବ୍ୟବସ୍ଥା ହେବା ଆବଶ୍ୟକ ୤
  • ରକ୍ତ ସଂଗ୍ରହ ପାଇଁ ଉଦ୍ଦିଷ୍ଟ ଖଟକୁ ବ୍ୟବସ୍ଥିତ ଢଙ୍ଗରେ ପକାଯିବା ଦରକାର ୤
  • ରକ୍ତଦାନ ସମୟରେ, ରକ୍ତଦାତାଙ୍କୁ ପ୍ରୋତ୍ସାହିତ କରିବାପାଇଁ ସ୍ବେଚ୍ଛାସେବୀ ଓ ‘ଆମ ଓଡ଼ିଶା’ କର୍ମୀ ଗୃହରେ ଉପସ୍ଥିତ ରହିବା ଆବଶ୍ୟକ ୤
  • ରକ୍ତ ସଂଗ୍ରହ ସରିବା ପରେ ସ୍ବେଚ୍ଛାସେବୀ ମାନେ ରକ୍ତଦାତାଙ୍କୁ ପ୍ରଥମେ ଗ୍ଲୁକୋଜ ମିଶା ପାଣି ପିଇବାକୁ ଦେବେ ଏବଂ ତାଙ୍କୁ ନେଇ ପାଖରେ ବ୍ୟବସ୍ଥା କରାଯାଇଥିବା ବିଶ୍ରାମ ସ୍ଥାନରେ ଶୁଆଇ ଦେବେ ୤ ମିଠା, କଦଳୀ, ଅଣ୍ଡା ଆଦି ଯେଉଁ ଜଳଯୋଗର ବ୍ୟବସ୍ଥା ହୋଇଥିବ ତାହା ସେମାନଙ୍କୁ ଦେବାର ବ୍ୟବସ୍ଥା କରିବେ ୤

  • ବିଶେଷ ଧ୍ୟାନ: ରକ୍ତତାତାଙ୍କ ରକ୍ତ ନେବାପରେ ଅନ୍ୟୁନ ୧୦ ମିନିଟ୍ ପର୍ଯ୍ୟନ୍ତ ଛୁଞ୍ଚି ଫୋଡା ଯାଇଥିବା ସ୍ଥାନକୁ ତୁଳାଦେଇ ଚାପିକରି ରଖିବା ଆବଶ୍ୟକ ୤
ରକ୍ତଦାନ ପରେ:
  • ରେଡ୍କ୍ରସ୍ ରକ୍ତଭଣ୍ଡାରର ଡାକ୍ତରଙ୍କ ଠାରୁ ପ୍ରୋତ୍ସାହନ-ରକ୍ତ କୁପନ୍ ଓ ପ୍ରତି ୟୁନିଟ୍ ରକ୍ତ ପିଛା ପ୍ରଦାନ କରାଯାଇଥିବା ପ୍ରୋତ୍ସାହନ-ଅର୍ଥ ଗ୍ରହଣ କରିବେ ୤
  • ସ୍ପଷ୍ଟ ଓ ପୂର୍ଣ୍ଣାଙ୍ଗ ଭାବେ ପୂରଣ କରାଯାଇଥିବା ପଞୀକରଣ ଫର୍ମକୁ ଗଣିକରି ଆଣିବେ ୤
  • ଏହି ରକ୍ତଦାନ ଶିବିର ସଂପର୍କରେ ଖବର ସମ୍ବାଦ ଓ କନକ ଟିଭି ରେ ପ୍ରକାଶ ଓ ପ୍ରସାରଣ କରାଇବାର ବ୍ୟବସ୍ଥା କରିବେ ୤
  • ରକ୍ତଦାତାଙ୍କ ସଂପର୍କରେ ‘ଆମ ଓଡ଼ିଶା’ ମୁଖ୍ୟ କାର୍ଯ୍ୟାଳୟକୁ ସେହିଦିନ କିମ୍ବା ପରଦିନ ଲିଖିତ ଭାବେ ଜଣାଇବା ସହ ଜିଲ୍ଲା ପ୍ରତିନିଧିଙ୍କୁ ମଧ୍ୟ ଜଣାଇବେ ୤ ଶିବର ସଂପର୍କରେ ସମସ୍ତ ତଥ୍ୟ ଓ ବ୍ଳଡ୍ ଗ୍ରୁପ୍ ଲେଖାଥିବା ସମସ୍ତ ଫର୍ମ ପାଇଲାପରେ ହିଁ ଖର୍ଚ୍ଚ ହୋଇଥିବା ଅର୍ଥକୁ ଭରଣା କରାଯିବ ୤
  • ପ୍ରୋତ୍ସାହନ-କୁପନ୍ ର ସଦ୍ବ୍ୟବହାର କରି, ରକ୍ତ ଲୋଡୁଥିବା ବ୍ୟକ୍ତିଙ୍କ ସଂପର୍କରେ ସମସ୍ତ ତଥ୍ୟ ନିର୍ଦ୍ଧାରିତ ଫର୍ମରେ ରାଜ୍ୟ କାର୍ଯ୍ୟାଳୟକୁ ଜଣାଇବେ ୤ (ଫର୍ମ ୧୮ ପୃଷ୍ଠାର ସଂଲଗ୍ନ)
  • ପରବର୍ତ୍ତୀ ସମୟରେ ରକ୍ତଦାତାଙ୍କୁ ‘ଆମ ଓଡ଼ିଶା’ ର ସଦସ୍ୟଭୁକ୍ତ କରାଇ, ବିଭିନ୍ନ କାର୍ଯ୍ୟକ୍ରମରେ ସାମିଲ କରାଇବେ ୤
ସତ୍ବ ଅଧିକାର © ୨୦୧୬, ଆମ ଓଡ଼ିଶା   ଗୁରୁତ୍ବପୁର୍ଣ୍ଣ ୱବସାଇଟ୍   |   ଘୋଷଣାନାମା  |   ସର୍ତ୍ତାବଳୀ   |   ଲଗ୍‌ଇନ୍
ୱେବସାଇଟ୍ ପ୍ରସ୍ତୁତି ଓ ପରିଚାଳନା : ବାଟୋଇ ସିଷ୍ଟ୍ମସ୍ ପ୍ରାଇଭେଟ୍ ଲିମିଟେଡ୍   |