୨୮ ଅକ୍ଟୋବର ୨୦୧୭ ସୁଦ୍ଧା ମୋଟ ୧୦୫୨ ରକ୍ତଦାନ ଶିବିରରୁ ୫୦୮୭୮ ୟୁନିଟ୍ ରକ୍ତ ସଂଗୃହୀତ। ରକ୍ତଦାନ କ୍ଷେତ୍ରରେ ଆମ ଓଡ଼ିଶା ରାଜ୍ୟର ଅଗ୍ରଣୀ ସ୍ବେଚ୍ଛାସେବୀ ଅନୁଷ୍ଠାନ ଭାବେ ରାଜ୍ୟ ସରକାରଙ୍କ ଠାରୁ ଲଗାତାର ୧୧ ଥର ପୁରସ୍କୃତ। ସମସ୍ତ ରକ୍ତଦାତାଙ୍କୁ ଅଭିନନ୍ଦନ।

Back

   
ବିରଳ ଗ୍ରୁପର ରକ୍ତଦାତାଙ୍କୁ ନେଇ ‘ରକ୍ତର ସଂପର୍କ’ର ଶୁଭାରମ୍ଭ
ଯୁବ ସ୍ବାଭିମାନ ଦିବସ ଅବସରରେ ‘ଆମ ଓଡ଼ିଶା’ ପକ୍ଷରୁ ରକ୍ତଦାନ ଅଭିଯାନର ଏକ ନୂଆ କାର୍ଯ୍ୟକ୍ରମ ‘ରକ୍ତର ସଂପର୍କ’ର ଶୁଭାରମ୍ଭ ହୋଇଛି୤ ଏଥିରେ ବିଭିନ୍ନ ‘ନେଗେଟିଭ୍’ ରକ୍ତଗ୍ରୁପର ବ୍ୟକ୍ତିମାନେ ସଦସ୍ୟ ଭାବରେ ଯୋଗଦେଇ ପରସ୍ପରକୁ ଏବଂ ଅନ୍ୟକୁ ସାହାଯ୍ୟ କରିପାରିବେ୤ ମଣିଷର ରକ୍ତର ବିଭିନ୍ନ ଗ୍ରୁପ୍ ମଧ୍ୟରେ ନେଗେଟିଭ୍ ଗ୍ରୁପଗୁଡ଼ିକ ବିରଳ ଏବଂ ଆବଶ୍ୟକ ସମୟରେ ଏହି ଗ୍ରୁପର ରକ୍ତ ମିଳିବାରେ ବହୁ ଅସୁବିଧା ହୋଇଥାଏ୤ ଏହାକୁ ଦୃଷ୍ଟିରେ ରଖି ବିଭିନ୍ନ ସହରରେ ଏହି ବିରଳ ରକ୍ତଗ୍ରୁପର ବ୍ୟକ୍ତିମାନଙ୍କୁ ଗୋଟିଏ ଗୋଟିଏ ଛୋଟ ଗୋଷ୍ଠୀରେ ଏକାଠି କରିବା ‘ରକ୍ତର ସଂପର୍କ’ ଯୋଜନାର ଲକ୍ଷ୍ୟ୤ ଏଥିପାଇଁ ଆଜି ସଂଧ୍ୟାରେ ‘ଆମ ଓଡ଼ିଶା’ କାର୍ଯ୍ୟାଳୟ ପରିସରର୍ର ‘ଓ’ ନେଗେଟିଭ୍ ଗ୍ରୁପର ପ୍ରଥମ ‘ରକ୍ତର ସଂପର୍କ’ ଗୋଷ୍ଠୀ ଗଠିତ ହୋଇଛି୤ ଇଷ୍ଟର୍ଣ୍ଣ ମିଡ଼ିଆର ନିର୍ଦ୍ଦେଶିକା ସୁଶ୍ରୀ ତନୟା ପଟ୍ଟନାୟକ ଏହାର ନେତୃତ୍ବ ନେଉଛନ୍ତି୤ ଆଜି ଏହି ଗୋଷ୍ଠୀରେ ବଜ୍ରାଦିତ୍ୟ ତ୍ରିପାଠୀ, ସନ୍ତୋଷ କୁମାର ବାରିକ, ଜିତେନ୍ଦ୍ର କୁମାର ପାତ୍ର, ପ୍ରଫୁଲ୍ଲ କୁମାର ବିଶ୍ବାଳ ଓ ସଂଜୟ କୁମାର ଚୌଧୁରୀ ଯୋଗଦେଇ ସଦସ୍ୟତା ଗ୍ରହଣ କରିଥିଲେ୤ ଏହି ଅବସରରେ ସଦସ୍ୟମାନେ ରକ୍ତଦାନକୁ ନେଇ ନିଜ ନିଜର ଅନୁଭୂତି ବର୍ଣ୍ଣନା କରିବା ସହିତ ଅଧିକରୁ ଅଧିକ ବିରଳ ରକ୍ତଗ୍ରୁପର ବ୍ୟକ୍ତିମାନଙ୍କୁ ଏହାର ଅନ୍ତର୍ଭୁକ୍ତ କରିବା ପାଇଁ ବିଭିନ୍ନ ପ୍ରସ୍ତାବ ଦେଇଥିଲେ୤ ଏଥିପାଇଁ ଏକ ବିଶେଷ ‘ଫେସବୁକ୍’ ପୃଷ୍ଠା ପ୍ରସ୍ତୁତ କରିବା ପାଇଁ ନିଷ୍ପତ୍ତି ନିଆଯାଇଥିଲା୤ ବିରଳ ରକ୍ତଗ୍ରୁପର ଅଧିକରୁ ଅଧିକ ବ୍ୟକ୍ତି ଏହାର ଅନ୍ତର୍ଭୁକ୍ତ ହେବାପାଇଁ ‘ରକ୍ତର ସଂପର୍କ’ ପକ୍ଷରୁ ନିବେଦନ କରାଯାଇଛି୤ ଏଥିପାଇଁ ‘ଆମ ଓଡ଼ିଶା’ର ସଂପାଦକ ସ୍ବରାଜ ମିଶ୍ରଙ୍କ ସହିତ ମୋବାଇଲ୍ ନଂ ୯୪୩୭୦୯୭୫୦୮ କିମ୍ବା ଅଫିସ୍ ନମ୍ବର ୦୬୭୪-୨୫୩୬୭୧୭/୨୫୩୬୭୧୮ରେ ଯୋଗାଯୋଗ କରିବାକୁ ଅନୁରୋଧ୤
ସତ୍ବ ଅଧିକାର © ୨୦୧୬, ଆମ ଓଡ଼ିଶା   ଗୁରୁତ୍ବପୁର୍ଣ୍ଣ ୱବସାଇଟ୍   |   ଘୋଷଣାନାମା  |   ସର୍ତ୍ତାବଳୀ   |   ଲଗ୍‌ଇନ୍
ୱେବସାଇଟ୍ ପ୍ରସ୍ତୁତି ଓ ପରିଚାଳନା : ବାଟୋଇ ସିଷ୍ଟ୍ମସ୍ ପ୍ରାଇଭେଟ୍ ଲିମିଟେଡ୍   |