୨୮ ଅକ୍ଟୋବର ୨୦୧୭ ସୁଦ୍ଧା ମୋଟ ୧୦୫୨ ରକ୍ତଦାନ ଶିବିରରୁ ୫୦୮୭୮ ୟୁନିଟ୍ ରକ୍ତ ସଂଗୃହୀତ। ରକ୍ତଦାନ କ୍ଷେତ୍ରରେ ଆମ ଓଡ଼ିଶା ରାଜ୍ୟର ଅଗ୍ରଣୀ ସ୍ବେଚ୍ଛାସେବୀ ଅନୁଷ୍ଠାନ ଭାବେ ରାଜ୍ୟ ସରକାରଙ୍କ ଠାରୁ ଲଗାତାର ୧୧ ଥର ପୁରସ୍କୃତ। ସମସ୍ତ ରକ୍ତଦାତାଙ୍କୁ ଅଭିନନ୍ଦନ।

Back

   
‘ଆମ ଓଡ଼ିଶା’ର ୧୭ ବର୍ଷ ପୂର୍ତି : ଏଥର ମତଦାନ ଉପରେ ଗୁରୁତ୍ବ
ମତଦାନ କାର୍ଯ୍ୟକ୍ରମ ଉପରେ ଚଳିତ ବର୍ଷ ‘ଆମ ଓଡ଼ିଶା’ ପ୍ରାଥମିକତାର ସହ କାର୍ଯ୍ୟ କରିବ ବୋଲି ନିଷ୍ପତ୍ତି ଗ୍ରହଣ କରିଛି୤ ରକ୍ତଦାନ ଓ ଭାଷାଜ୍ଞାନ କାର୍ଯ୍ୟକ୍ରମରେ ଅନୁଷ୍ଠାନର ସଫଳତା ପରେ ମତଦାନ କାର୍ଯ୍ୟକ୍ରମକୁ ଗୁରୁତ୍ବ ପ୍ରଦାନ କରାଯାଇ ରାଜ୍ୟବ୍ୟାପୀ ଅଭିଯାନ ଚଳାଇବ ବୋଲି ଆଜି ‘ଆମ ଓଡ଼ିଶା’ର ୧୭ ବର୍ଷ ପୂର୍ତି ଅବସରରେ ଅନୁଷ୍ଠିତ କାର୍ଯ୍ୟନିର୍ବାହୀ ବୈଠକରେ ପ୍ରସ୍ତାବ ଗୃହୀତ ହୋଇଥିଲା୤ ଅଧ୍ୟକ୍ଷ ସୌମ୍ୟରଞ୍ଜନ ପଟ୍ଟନାୟକଙ୍କ ସଭାପତିତ୍ବରେ ଅନୁଷ୍ଠିତ ଏହି ବୈଠକରେ ଓଡ଼ିଶାର ମତଦାନର ହାର ବୃଦ୍ଧି ପାଇବା ଉପରେ ଆଲୋଚନା କରାଯାଇଥିଲା୤ ମତଦାନ କେନ୍ଦ୍ରକୁ ସମସ୍ତ ଭୋଟର୍ ନ ଆସିବା ଫଳରେ ଗାଣତନ୍ତ୍ରିକ ବ୍ୟବସ୍ଥା ସୁଚାରୁ ଭାବେ କାର୍ଯ୍ୟ କରିପାରୁ ନାହିଁ୤ ଏହା ଦ୍ବାରା ଜନପ୍ରତିନିଧି ନିର୍ବଚନ ମଧ୍ୟ ପ୍ରଭାବିତ ହେଉଛି୤ ବିଧାନଗୃହରେ ଜନଗଣଙ୍କର ସ୍ବର ଯଥାର୍ଥ ଭାବେ ପ୍ରତିଧ୍ବନିତ କରିବାକୁ ହେଲେ ତୃଣମୂଳ ସ୍ତରରୁ ଭୋଟର୍ ମାନଙ୍କୁ ପ୍ରସ୍ତୁତ କରାଯାଇ ମତଦାନର ଅଧିକାର ସାବ୍ୟସ୍ତ କରାଯିବା ଉପରେ ଗୁରୁତ୍ବ ଦିଆଯିବ ଆବଶ୍ୟକ ବୋଲି ମତପ୍ରକାଶ ପାଇଥିଲା୤ ଖୋଦ୍ ରାଜଧାନୀ ଭୁବନେଶ୍ବରରେ ଶିକ୍ଷିତ ଲୋକଙ୍କ ସଂଖ୍ୟା କମ୍ ନ ଥିବା ବେଳେ ମତଦାନର ହାର ମାତ୍ର ୩୫ ପ୍ରତିଶତ ମଧ୍ୟରେ ସୀମିତ ରହିଥିବା ନେଇ ଉଦବେଗ ପ୍ରକାଶ ପାଇଥିଲା୤ ତେଣୁ ରାଜଧାନୀରେ ମତଦାତାମାନଙ୍କ ମଧ୍ୟରେ ସଚେତନତା ସୃଷ୍ଟି କରାଯିବା ପାଇଁ ନିଷ୍ପତ୍ତି ହୋଇଥିଲା୤ ମତଦାନ କାର୍ଯ୍ୟକ୍ରମର ସୁପରିଚାଳନା ନିମନ୍ତେ ଉତ୍କଳ ସଂସ୍କୃତି ବିଶ୍ବବିଦ୍ୟାଳୟଙ୍କ ନେତୃତ୍ବରେ ଏକ ଟାସ୍କ ଫୋର୍ସ ଗଠନ କରାଯାଇଥିଲା୤
ସତ୍ବ ଅଧିକାର © ୨୦୧୬, ଆମ ଓଡ଼ିଶା   ଗୁରୁତ୍ବପୁର୍ଣ୍ଣ ୱବସାଇଟ୍   |   ଘୋଷଣାନାମା  |   ସର୍ତ୍ତାବଳୀ   |   ଲଗ୍‌ଇନ୍
ୱେବସାଇଟ୍ ପ୍ରସ୍ତୁତି ଓ ପରିଚାଳନା : ବାଟୋଇ ସିଷ୍ଟ୍ମସ୍ ପ୍ରାଇଭେଟ୍ ଲିମିଟେଡ୍   |