୨୮ ଅକ୍ଟୋବର ୨୦୧୭ ସୁଦ୍ଧା ମୋଟ ୧୦୫୨ ରକ୍ତଦାନ ଶିବିରରୁ ୫୦୮୭୮ ୟୁନିଟ୍ ରକ୍ତ ସଂଗୃହୀତ। ରକ୍ତଦାନ କ୍ଷେତ୍ରରେ ଆମ ଓଡ଼ିଶା ରାଜ୍ୟର ଅଗ୍ରଣୀ ସ୍ବେଚ୍ଛାସେବୀ ଅନୁଷ୍ଠାନ ଭାବେ ରାଜ୍ୟ ସରକାରଙ୍କ ଠାରୁ ଲଗାତାର ୧୧ ଥର ପୁରସ୍କୃତ। ସମସ୍ତ ରକ୍ତଦାତାଙ୍କୁ ଅଭିନନ୍ଦନ।

Back

   
ଆମ ଓଡ଼ିଶାର ନୂଆବହି ‘ବାଚସ୍ପତି ମହୋଦୟ’ ଉନ୍ମୋଚିତ Download  
‘ବାଚସ୍ପତି ମହୋଦୟ’ ଉନ୍ମୋଚିତ କୃଷି ମାଧ୍ୟମରେ ହିଁ ଓଡ଼ିଶାର ବିକାଶ ସମ୍ଭବ: ଜାନକୀବଲ୍ଲଭ ଭୁବନେଶ୍ବର,୧୩/୩: ଗଣତନ୍ତ୍ରରେ ବିରୋଧୀ ଦଳର ଗୁରୁତ୍ବପୂର୍ଣ୍ଣ ଭୂମିକା ରହିଛି୤ ବିରୋଧୀ ଦଳ କେବଳ ସମାଲୋଚନାରେ ନିଜକୁ ସୀମିତ ନରଖି ଶାସନ ବ୍ୟବସ୍ଥାର ଗଠନମୂଳକ ସମୀକ୍ଷା କରିବା ଉଚିତ୍୤ଏହା ଶାସନ କଳକୁ ଠିକ୍ ବାଟରେ ନେବାରେ ସାହାର୍ଯ୍ୟ କରିବ ବୋଲି ପୁପ୍ରିମକୋର୍ଟର ପୂର୍ବତନ ମୂଖ୍ୟ ବିଚାରପତି ଗୋପାଳ ବଲ୍ଲଭ ପଟ୍ଟନାୟକ କହିଛନ୍ତି୤ ଜାନକୀ ବଲ୍ଳଭ ପଟ୍ଟନାୟକ ୨୦୦୪ ରୁ ୨୦୦୯ ମହିହା ପର୍ଯ୍ୟନ୍ତ ବିରୋଧୀ ଦଳ ନେତା ଥିଲାବେଳେ ବିଧାନସଭାରେ ଦେଇଥିବା ବକ୍ତବ୍ୟଗୁଡ଼ିକର ଏକ ସଂକଳନ ‘ବାଚସ୍ପତି ମହୋଦୟ’ ଆଜି ଜୟଦେବ ଭବନରେ ଉନ୍ମୋଚିତ ହୋଇଥିଲା୤‘ଆମ ଓଡ଼ିଶା’ ପକ୍ଷରୁ ପ୍ରକାଶିତ ଏହି ପୁସ୍ତକକୁ ଜଷ୍ଟିସ୍ ପଟ୍ଟନାୟକ ଉନ୍ମୋଚନ କରି କହିଥିଲେ,ଜାନକୀ ବଲ୍ଲଭ ବିରୋଧୀ ଦଳ ନେତା ହିସାବରେ ସେତେବେଳେ ଯାହା ଆଲୋଚନା କରିଥିଲେ,ତାହାର ପ୍ରାସଙ୍ଗିକତା ଏବେ ବି ରହିଛି୤ ରାଜନୈତିକ ଇଛାଶକ୍ତିର ଅଭାବ,ପ୍ରାକୃତିକ ସମ୍ପଦର ସଦୁପଯୋଗ ନ ହୋଇପାରିବା,ଶାସନକଳର ଉଦାସୀନତା ଯୋଗୁଁ ଓଡ଼ିଶା ଗରିବ ହୋଇ ରହିଛି୤ ଏହି ପରିପ୍ରେକ୍ଷୀରେ ଜାନକୀ ବାବୁଙ୍କ ମନ୍ତବ୍ୟ ବେଶ୍ ଗୁରୁତ୍ବପୂର୍ଣ୍ଣ୤ ପୁସ୍ତକଟି ପ୍ରତ୍ୟେକ ଶ୍ରେଣୀର ଲୋକଙ୍କ ଦ୍ବାରା ଆଦୃତ ହୋଇପାରିବ ବୋଲି ସେ କହିଥିଲେ୤ଲେଖକ ଜାନକୀ ବଲ୍ଲଭ ପଟ୍ଟନାୟକ କହିଥିଲେ,ସବୁ ରାଜ୍ୟ ଉପରକୁ ଉଠିପାରିବ ଓ ଓଡ଼ିଶା ଉଠିପାରିବନି ବୋଲି ସବୁଆଡ଼େ ଏକ ଧାରଣା ରହିଛି୤ଏହି ଧାରଣାକୁ ପରିବର୍ତ୍ତନ କରିବା ଜରୁରୀ୤ଓଡ଼ିଶାରେ ପ୍ରାକୃତିକ ସମ୍ପଦ,ଲୋକଶକ୍ତି,ମେଧା,ଆତ୍ମବିଶ୍ବାସର ଅଭାବ ନାହିଁ୤ ଓଡ଼ିଶାରେ ବୁଦ୍ଧିଜୀବୀମାନେ ସମାଜରେ ସଂଖ୍ୟାଲଘୁ ପାଲଟିଯାଇଥିବାରୁ ରାଜ୍ୟରେ ଯେତିକି ବିକାଶ ହେବା କଥା ହୋଇପାରୁ ନାହିଁ୤ଏହାକୁ ଗଭୀର ଭାବେ ଅନୁଧ୍ୟାନ କରିବାର ଆବଶ୍ୟକତା ରହିଛି୤ଏହି ବହି ସେ ଦିଗରେ କିଛି ଚିନ୍ତା ସୃଷ୍ଟି କରିବାରେ ସହାୟକ ହୋଇପାରିବ ବୋଲି ସେ ଆଶାପ୍ରକଟ କରିଥିଲେ୤ ଶ୍ରୀ ପଟ୍ଟନାୟକ କହିଥିଲେ, ବିରୋଧୀ ଦଳ ଖାଲି ସମାଲୋଚନା ନୁହେଁ, ଶାସନ କଳକୁ ବାଟ ଦେଖାଇବା ଉଚିତ୤ ସେ ବିରୋଧୀ ଦଳ ନେତା ଥିଲା ବେଳେ ଜଳସେଚନ,କୃଷି,ଶିଳ୍ପ,ପ୍ରାକୃତିକ ବିପର୍ଯ୍ୟୟର ମୁକାବିଲା ଆଦି କ୍ଷେତ୍ରରେ ଦେଇଥିବା ତଥ୍ୟଭିତ୍ତିକ ପରାମର୍ଶ ଏହି ପୁସ୍ତକରେ ସ୍ଥାନ ପାଇଛି୤କୃଷିକୁ ଉଦାହରଣ ଦେଇ ସେ କହିଥିଲେ, କୃଷିର ବିକାଶ ହେଲେ ରାଜ୍ୟର ବିକାଶ ସମ୍ଭବ୤ପଞ୍ଜାବ ଓ ହରିୟାନା ପରି ରାଜ୍ୟ କୃଷି କ୍ଷେତ୍ରକୁ ଗୁରୁତ୍ବ ଦେଇଥିବାରୁ ସେଠାରେ ବିକାଶ ସମ୍ଭବ ହୋଇପାରିଛି୤ଓଡ଼ିଶାରେ କୃଷିର ବିକାଶ ପାଇଁ ଅଧିକ ଗୁରୁତ୍ବ ଦିଆଯିବା ସହ କୃଷି ଭିତିକ ଶିଳ୍ପକୁ ପ୍ରୋତ୍ସାହନ ଦେବାକୁ ଶ୍ରୀ ପଟ୍ଟନାୟକ ପରାମର୍ଶ ଦେଇଥିଲେ୤ ‘ବାଚସ୍ପତି ମହୋଦୟ’ ପୁସ୍ତକରେ ସ୍ଥାନ ପାଇଥିବା ଲେଖାଗୁଡ଼ିକ କେବଳ ସରକାରଙ୍କ ପାଇଁ ନୁହେଁ,ରାଜ୍ୟର ବୁଦ୍ଧିଜୀବୀମାନଙ୍କ ପାଇଁ ମଧ୍ୟ ଆହ୍ବାନ୤ବୁଦ୍ଧିଜୀବୀମାନଙ୍କ ପାଇଁ ମଧ୍ୟ ଆହ୍ବାନ୤ ପୁସ୍ତକକୁ ସମୀକ୍ଷା କରିଥିଲେ ପୂର୍ବତନ ଆଇନ ମନ୍ତ୍ରୀ ତଥା ଜାନକୀ ବଲ୍ଲଭ ବିରୋଧୀ ଦଳ ନେତା ଥିଲା ବେଳେ ବିରୋଧୀ ଦଳ ଉପନେତା ଥିବା ନରସିଂହ ମିଶ୍ର ୤ସେ କହିଥିଲେ, ବିଧାନସଭାର ମୁଖ୍ୟ କାମ ହେଉଛି ଆଇନ ପ୍ରଣୟନ କରିବା୤କିନ୍ତୁ ବର୍ତ୍ତମାନ ପ୍ରଣୟନ ହେଉଥିବା ଆଇନ ସମ୍ପର୍କରେ ୫୫ ଭାଗ ବିଧାୟକ କିଛି ଜାଣନ୍ତି ନାହିଁ୤ଅଧିକାଂଶ ବିଧାୟକ କୌଣସି ପ୍ରସ୍ତୁତି ନ କରି ବିଧାନସଭା ଆସୁଛନ୍ତି୤ ଫଳରେ ଗୃହରେ ଗଠନମୂଳକ ଆଲୋଚନା ହୋଇପାରୁ ନାହିଁ୤ ତେବେ ‘ବାଚସ୍ପତି ମହୋଦୟ’ ବହିଟି ପଢ଼ିଲେ, ବିଧାନସଭାକୁ କିଛି ଜ୍ଞାନୀ ଗୁଣି ଲୋକ ଆସୁଛନ୍ତି ବୋଲି ପାଠକମାନେ ଭାବିବେ୤ ଏହି ବହି ଏକ ଗବେଷଣା ଗ୍ରନ୍ଥ ପରି କାର୍ଯ୍ୟ କରିବ୤ଜାନକୀ ବାବୁ ମୁଖ୍ୟମନ୍ତ୍ରୀ ଥିଲା ସମୟରେ ଶାଳୀନତା ରକ୍ଷା କରି ବିରୋଧୀ ଦଳକୁ କଡ଼ା ସମାଲୋଚନା କରୁଥିଲେ୤ ସେହିପରି ବିରୋଧୀ ଦଳ ନେତା ଥିଲା ସମୟରେ ସରକାରଙ୍କୁ କେବଳ ସମାଲୋଚନା ନୁହେଁ,ରାଜ୍ୟର ହିତ ପାଇଁ ସରକାରଙ୍କୁ ଠିକ୍ ଉପଦେଶ ଦେଉଥିଲେ୤ ବିନା ତଥ୍ୟ,ପ୍ରମାଣରେ ସେ କୌଣସି ବକ୍ତବ୍ୟ ବିଧାନସଭାରେ ଦିଅନ୍ତି ନାହିଁ୤ ଜାନକୀ ବାବୁ ନିର୍ଦ୍ବନ୍ଦରେ ଓଡ଼ିଶାର ଜଣେ ଶ୍ରେଷ୍ଠ ମୁଖ୍ୟମନ୍ତ୍ରୀ ଓ ଶ୍ରେଷ୍ଠ ବିରୋଧୀଦଳ ନେତା ବୋଲି ଶ୍ରୀ ମିଶ୍ର କହିଥିଲେ୤ ଏହିପରି ଏକ ପୁସ୍ତକକୁ ବିଧାନସଭା ପକ୍ଷରୁ ପ୍ରକାଶ କରିବାର ଆବଶ୍ୟକତା ଥିଲା ବୋଲି ସେ କହିଥିଲେ୤ ସଭାରେ ଅଧ୍ୟକ୍ଷତା କରି ଆମ ଓଡ଼ିଶାର ଅଧ୍ୟକ୍ଷ ସୌମ୍ୟରଞ୍ଜନ ପଟ୍ଟନାୟକ କହିଲେ,ବର୍ତ୍ତମାନ ବିଧାନସଭାକୁ ଯେପରି ପରିଚାଳନା କରାଯାଉଛି ଏବଂ ସଭ୍ୟ,ସଭ୍ୟାମାନେ ଯେମିତି ଆଚରଣ କରୁଛନ୍ତି,ତାହା ସଚେତନ ନାଗରିକମାନଙ୍କୁ ବ୍ୟଥିତ କରୁଛି୤ ବିଧାନସଭା ଏକ ଅପେରା ପାର୍ଟିର ମଞ୍ଚ ପାଲଟିଯାଇଛି୤ଏହି ପରିପ୍ରେକ୍ଷୀରେ ଜାନକୀ ବଲ୍ଲଭ ପଟ୍ଟନାୟକଙ୍କର ଏହି ପୁସ୍ତକଟିର ଗୁରୁତ୍ବ ରହିଛି୤ଏଥିରୁ ଆଗାମୀ ପିଢ଼ି ଏହି ସମୟରେ ଓଡ଼ିଶାର ଏକ ଚିତ୍ର ପାଇପାରିବେ୤ ନୂଆ ଓଡ଼ିଶାକୁ ଚିହ୍ନିବାରେ,ଗଢ଼ିବାରେ ‘ବାଚସ୍ପତି ମହୋଦୟ’ ପୁସ୍ତକ ନିଶ୍ଚିତ ଉପାଦାନ ଯୋଗାଇବ ବୋଲି ଶ୍ରୀ ପଟ୍ଟନାୟକ ଆଶାପ୍ରକଟ କରିଥିଲେ୤ ଆମ ଓଡ଼ିଶା ପକ୍ଷରୁ ପୁସ୍ତକ ପ୍ରକାଶନ ସମ୍ପର୍କରେ ଶ୍ରୀ ପଟ୍ଟନାୟକ କହିଥିଲେ,ଓଡ଼ିଶାରେ ପାଠକଙ୍କ ଅଭାବ ନାହିଁ୤ଏମାନଙ୍କୁ ଆକୃଷ୍ଟ କରିବା ପାଇଁ,ପିଲାଙ୍କୁ ବହି ପ୍ରତି ଆକୃଷ୍ଟ କରିବା ପାଇଁ ଆମ ଓଡ଼ିଶା ପକ୍ଷରୁ ନିୟମିତ ବହି ପ୍ରକାଶ ପାଉଛି୤ଏହା ବାଦ୍ ଓଡ଼ିଶାର ସ୍ବାଥଁ ଦୃଷ୍ଟିରୁ ଯେଉଁ ବହିର ପ୍ରାସଙ୍ଗିକତା ରହିଛି,ତାହାକୁ ଗୁରୁତ୍ବ ଦିଆଯାଇ ପ୍ରକାଶ କରାଯାଉଛି୤ ‘ଆମ ଓଡ଼ିଶା’ର ସମ୍ପାଦକ(ପ୍ରକାଶନ) ଅସିତ ମହାନ୍ତି ଅତିଥି ପରିଚୟ ପ୍ରଦାନ କରିଥିଲେ୤ସାଧାରଣ ସମ୍ପାଦକ ସ୍ବରାଜ ମିଶ୍ର ଧନ୍ୟବାଦ ଅର୍ପଣ କରିଥିଲେ୤
ସତ୍ବ ଅଧିକାର © ୨୦୧୬, ଆମ ଓଡ଼ିଶା   ଗୁରୁତ୍ବପୁର୍ଣ୍ଣ ୱବସାଇଟ୍   |   ଘୋଷଣାନାମା  |   ସର୍ତ୍ତାବଳୀ   |   ଲଗ୍‌ଇନ୍
ୱେବସାଇଟ୍ ପ୍ରସ୍ତୁତି ଓ ପରିଚାଳନା : ବାଟୋଇ ସିଷ୍ଟ୍ମସ୍ ପ୍ରାଇଭେଟ୍ ଲିମିଟେଡ୍   |