• ଆମ ସଂଗଠନ
  • ଆମ ପରିଚୟ ଓ ସଂକଳ୍ପ
  • ଆମ ଲକ୍ଷ ୨୦୧୨-୨୦୧୩
  • ପ୍ରତିଷ୍ଠାତା ସଦସ୍ୟ
  • ଆମ ଓଡ଼ିଶା ସଦସ୍ୟ
  • ଆନୁଷ୍ଠାନିକ ସଦସ୍ୟ
• ଭାଷାଜ୍ଞାନ
  • କାହିଁକି ଓ କିପରି
  • ପରୀକ୍ଷା ଓ ଫଳାଫଳ
• ରକ୍ତଦାନ
  • ଅଭିଯାନ ସଂପର୍କରେ
  • ଶିବିରର ବିବରଣୀ-୨୦୧୧
  • ଶିବିରର ବିବରଣୀ-୨୦୧୨
  • ଶିବିରର ବିବରଣୀ-୨୦୧୩
  • ଶିବିରର ବିବରଣୀ-୨୦୧୪
• ମତ ଦାନ
  • ଆମ ଅଭିଯାନ
  • ଆମ କର୍ଯ୍ୟକ୍ରମ
  • ଭୋଟର ତାଲିକା
• ଯୁବ ବାହିନୀ
  • ଯୁବ ବାହିନୀର ସଂକଳ୍ପ
• ମୋ ଖାତା
• ଆମ ବହି
• ଆମ ପରିବାର
  • ସମ୍ବାଦ
  • କନକ ଟିଭି
  • ଇଷ୍ଟର୍ଣ୍ଣ ମିଡିଆ
  • ରେଡିଓ ଚକଲେଟ୍
  • କେ.ଏମ୍.ବି.ବି
  • ସୋମାକ୍

Back

‘କନକ ଟିଭି’ରେ ‘ଆମ ବହି’ କାର୍ଯ୍ୟକ୍ରମର ପ୍ରସାରଣ
‘ଅମର ବିଶ୍ବସାହିତ୍ୟ’ ଉନ୍ମୋଚିତ ଭୁବନେଶ୍ବର ୭/୧(ଇମିସ)- ‘ଆମ ଓଡ଼ିଶା’ ପକ୍ଷରୁ ‘କନକ ଟିଭି’ରେ ପ୍ରତିମାସର ପ୍ରଥମ ରବିବାରରେ ପ୍ରସାରିତ ହେଉଥିବା ‘ଆମ ବହି’ କାର୍ଯ୍ୟକ୍ରମ ନୂଆବର୍ଷ ପରିପ୍ରେକ୍ଷୀରେ ଏଥର ଦ୍ବିତୀୟ ରବିବାର ରାତି ୮ଟାରେ ପ୍ରସାରିତ ହୋଇଛି୤ ଏହି କାର୍ଯ୍ୟକ୍ରମରେ ଏଥର ‘ଅମର ବିଶ୍ବସାହିତ୍ୟ’ ନାମରେ ଗୋଟିଏ ବହି ଉନ୍ମୋଚିତ ହୋଇଛି୤ କାର୍ଯ୍ୟକ୍ରମ ସଂପର୍କରେ ପ୍ରରମ୍ଭିକ ସୂଚନା ଦେଇ ଅଧ୍ୟକ୍ଷ ସୌମ୍ୟରଂଜନ ପଟ୍ଟନାୟକ ‘ଆମ ଓଡ଼ିଶା’ ପ୍ରକାଶନ ପଛରେ ଥିବା ନିର୍ଦ୍ଦିଷ୍ଟ ଆଭିମୁଖ୍ୟ ସଂପର୍କରେ ଆଲୋକପାତ କରିଥିଲେ୤ ନୂଆପିଢ଼ିର ପାଠକଙ୍କୁ ଅଧିକରୁ ଅଧିକ ଉପାଦେୟ ପଠନ ସାମଗ୍ରୀ ଯୋଗାଇ ଦେବା ଦିଗରେ ‘ଆମ ଓଡ଼ିଶା’ ପ୍ରକାଶନ ଏବର୍ଷ କାମ କରିବ ବୋଲି ସେ ସୂଚନା ଦେଇଥିଲେ୤ ଅଧ୍ୟକ୍ଷ ଶ୍ରୀ ପଟ୍ଟନାୟକ,ପ୍ରକାଶନ ସଂପାଦକ ଅସିତ ମହାନ୍ତି ଏବଂ ପୁସ୍ତକର ଅନୁବାଦକ ତଥା ସଂପାଦକ ଦାଶ ବେନହୁରଙ୍କ ଉପସ୍ଥିତିରେ ‘ଅମର ବିଶ୍ବସାହିତ୍ୟ’କୁ ବିଶିଷ୍ଟ ଅନୁବାଦକ ପ୍ରଫେସର ବିକ୍ରମ ଦାଶ ଉନ୍ମୋଚନ କରିଥିଲେ୤ ବଡ଼ ବଡ଼ ବହି ପଢ଼ିବାପାଇଁ ଏବେ ସମୟ ନଥିବାରୁ ବିଶ୍ବସାହିତ୍ୟର ବଡ଼ ବଡ଼, କାଳଜୟୀ ବହିର ଏପରି ସଂକ୍ଷିପ୍ତ ରୂପ ନୂଆ ପିଢ଼ିର ପାଠକଙ୍କୁ ଆକୃଷ୍ଟ କରିବ ବୋଲି ସେ କହିଥିଲେ୤ଏହି ଅବସରରେ ପୁସ୍ତକଟିର ସମୀକ୍ଷା କରିଥିଲେ ପ୍ରଫେସର ଯତୀନ ନାୟକ ୤ ସେ କହିଥିଲେ, ଆମର ନୂଆପିଢ଼ିର ପାଠକଙ୍କୁ ବିଶ୍ବସାହିତ୍ୟର ଅମର କୃତି ଗୁଡ଼ିକ ସମ୍ପର୍କରେ ପରିଚିତ କରାଇବା ପାଇଁ ଏହା ଏକ ପ୍ରକୃଷ୍ଟ ମାଧ୍ୟମ୤ ଏହି ଛୋଟ ବହି ମାଧ୍ୟମରେ ବିଶ୍ବସାହିତ୍ୟ ସହ ପରିଚିତ ହୋଇ ଭବିଷ୍ୟତରେ ସେମାନେ ମୂଳବହି ପଢ଼ିବା ପାଇଁ ଆଗ୍ରହୀ ହେବେ୤ ବିଶ୍ବସାହିତ୍ୟର ଦଶଟି ଅମର କୃତିର ସଂକ୍ଷିପ୍ତ ରୂପକୁ ନେଇ ଏହି ପୁସ୍ତକ ପ୍ରସ୍ତୁତ ହେଲେ ମଧ୍ୟ ଏହା ଉଭୟ କିଶୋର ଓ ବୟସ୍କ ପାଠକଙ୍କ ପାଇଁ ବୋଲି ପୁସ୍ତକର ଅନୁବାଦକ ଓ ସଂପାଦକ ଦାଶ ବେନହୁର କହିଥିଲେ୤ ବାହାର ଦୁନିଆର ସାହିତ୍ୟ ସହ ଆମ ସାହିତ୍ୟର ପରିଚିତ ହେଲେ ହିଁ ଆମ ମାନସିକତାର ବିକାଶ ଘଟିପାରିବ ବୋଲି ସେ କହିଥିଲେ୤ ପୁସ୍ତକ ସଂପର୍କରେ ସୂଚନା ଦେଇ ପ୍ରକାଶନ ସଂପାଦକ ଶ୍ରୀ ମହାନ୍ତି କହିଥିଲେ ଯେ ମୂଳ ପୁସ୍ତକର ଫଟୋଚିତ୍ର,ପୁସ୍ତକର ଲେଖକଙ୍କ ଫଟୋଚିତ୍ର ଏବଂ ଲେଖକଙ୍କ ସଂପର୍କରେ ସଂକ୍ଷିପ୍ତ ପରିଚିତ ଦିଆଯାଇ ଏହି ପୁସ୍ତକଟିକୁ ଯଥାସମ୍ଭବ ତଥ୍ୟପୂର୍ଣ୍ଣ ଓ ଜ୍ଞାନଗର୍ଭକ କରିବାପାଇଁ ଉଦ୍ୟମ କରାଯାଇଛି୤ ଏହା ସହିତ ସୁନ୍ଦର ପ୍ରଚ୍ଛଦ ଓ ପରିଚ୍ଛନ୍ନ ମୁଦ୍ରଣ ଦୃଷ୍ଟିରୁ ପୁସ୍ତକଟି ପାଠକପାଠିକାଙ୍କ ଦ୍ବାରା ବହୁଳ ଆଦର ଲାଭ କରିବ ବୋଲି ସେ କହିଥିଲେ୤ ୮୦ପୃଷ୍ଠାର ଏହି ସଚିତ୍ର ବହିର ମୂଲ୍ୟ ମାତ୍ର ୪୦ଟଙ୍କା୤