| ଆମ ବହି |
|
|
| ପୂର୍ବ ପୃଷ୍ଠା ୧ ୨ ୩ ୪ ୫ ୬ ୭ |
 ବାରମାସ କଥା
(ପ୍ରଥମ ଭାଗ ଓ ଦ୍ବିତୀୟ ଭାଗ)
ଲେଖକ : ଦେବପ୍ରିୟ ପ୍ରିୟଦର୍ଶୀ ଚକ୍ର
ମୂଲ୍ୟ : ଟ. ୩୫/- (ପ୍ରତିଖଣ୍ଡ)
ଆମର ପର୍ବପର୍ବାଣୀ, ରୀତିନୀତି ଓଡ଼ିଆ ମାସ ଅନୁସାରେ ପରିଚାଳିତ ହେଉଥିବା ବେଳେ ସାରା ପୃଥିବୀର କାର୍ଯ୍ୟକ୍ରମ ମୁଖ୍ୟତଃ ଇଂରାଜୀ ମାସ ଅନୁସାରେ ପାଳିତ ହୋଇଥାଏ ତେବେ ଓଡ଼ିଆ ମାସ ହେଉ କି ଇଂରାଜୀ ମାସ, ପ୍ରତି ମାସର ନାମକରଣ ପଛରେ ସ୍ବତନ୍ତ୍ର କାହାଣୀ ରହିଛି ଇଂରାଜୀ ବାରମାସର ସେହିସବୁ କାହାଣୀକୁ ନେଇ ଦୁଇଖଣ୍ଡରେ ଏହି ‘ବାରମାସ କଥା’ ପୁସ୍ତକ ପ୍ରସ୍ତୁତ କରିଛନ୍ତି ଯୁବ ଗାଳ୍ପିକ ଦେବପ୍ରିୟ ପ୍ରିୟଦର୍ଶୀ ଚକ୍ର |
|
 ଆଣ୍ଡରସନଙ୍କ ପରୀକାହାଣୀ
(ପ୍ରଥମ ଭାଗ ଓ ଦ୍ବିତୀୟ ଭାଗ)
ପୁନର୍କଥନ : ଅସିତ ମହାନ୍ତି
ମୂଲ୍ୟ : ଟ. ୩୫/- (ପ୍ରତିଖଣ୍ଡ)
ଆଣ୍ଡରସନ୍ ନାମରେ ପରିଚିତ ହାନ୍ସ ଖ୍ରୀଷ୍ଟିଆନ୍ ଆଣ୍ଡରସନ୍ ପୃଥିବୀର ବିଶିଷ୍ଟ ପରୀକାହାଣୀ ଲେଖକ ତାଙ୍କ ଲିଖିତ ପରୀକାହାଣୀ ଶହ ଶହ ବର୍ଷ ଧରି ପୃଥିବୀର ପ୍ରାୟ ସବୁ ଦେଶର ପିଲାଙ୍କର ମନୋରଂଜନ କରି ଆସିଛି ସେଥିରୁ ବଛାବଛା ୧୧ଟିକୁ ନେଇ ଦୁଇ ଭାଗରେ ଏହି ପୁସ୍ତକ ପ୍ରସ୍ତୁତ କରିଛନ୍ତି ବିଶିଷ୍ଟ ଲେଖକ ଓ ଅନୁବାଦକ ଅସିତ ମହାନ୍ତି ପ୍ରଥମ ଭାଗରେ ଛଅଟି ପରୀକାହାଣୀ ଥିବା ବେଳେ ଦ୍ବିତୀୟ ଭାଗରେ ପାଞ୍ଚଟି ପରୀକାହାଣୀ ରହିଛି ଦୁଇଖଣ୍ଡ ଯାକ ପୁସ୍ତକ ରଙ୍ଗିନ ଚିତ୍ର ସହ ମୁଦ୍ରିତ ହୋଇଛି |
|
ସାତବାର କଥା
ଲେଖକ : ଦେବପ୍ରିୟ ପ୍ରିୟଦର୍ଶୀ ଚକ୍ର
ମୂଲ୍ୟ : ଟ. ୪୦/-
ସପ୍ତାହକ ସାତଦିନ ଏହି ସାତଦିନର ନାମ ଭିନ୍ନ ଭିନ୍ନ କାହିଁ କେଉଁ ପ୍ରାଚୀନ କାଳରୁ ବହୁ ପରିବର୍ତ୍ତନ ବାଟ ଦେଇ ଏହି ସବୁ ନାମକରଣ କରାଯାଇଛି ସୂର୍ଯ୍ୟଙ୍କ ନାମରେ ରବି, ଚନ୍ଦ୍ରଙ୍କ ନାମରେ ସୋମ, ମଙ୍ଗଳ ଓ ବୁଧଙ୍କ ନାମରେ ମଙ୍ଗଳ ଓ ବୁଧ, ବୃହସ୍ପତିଙ୍କ ନାମରେ ଗୁରୁ ଏବଂ ଶୁକ୍ର ଓ ଶନିଙ୍କ ନାମରେ ଶୁକ୍ର ଓ ଶନିବାରର ନାମକରଣ ହୋଇଛି ତେବେ ଏହିସବୁ ବାରର ନାମ ପଛରେ ବହୁ କାହାଣୀ ଓ କିମ୍ବଦନ୍ତୀ ବି ରହିଛି ‘ସାତବାର କଥା’ ପୁସ୍ତକରେ ଯୁବ କଥାଶିଳ୍ପୀ ଦେବପ୍ରିୟ ପ୍ରିୟଦର୍ଶୀ ଚକ୍ର ସେହିସବୁ କାହାଣୀକୁ ସରଳ ଭାଷାରେ ଉପସ୍ଥାପିତ କରିଛନ୍ତି |
|
 ଅଜାନାତି କଥା
(ପ୍ରଥମ ଭାଗ ଓ ଦ୍ବିତୀୟ ଭାଗ)
ଲେଖକ : ସୌରୀନ୍ଦ୍ର ବାରିକ
ମୂଲ୍ୟ : ଟ. ୩୫/- (ପ୍ରତିଖଣ୍ଡ)
ସାଧାରଣତଃ ଦେଖାଯାଏ ଯେ ନିଜ ମନରେ ଉଠୁଥିବା ବିଭିନ୍ନ ପ୍ରଶ୍ନକୁ ପିଲାମାନେ ନିଜ ଅଜା ବା ଆଈଙ୍କୁ ସ୍ବଚ୍ଛନ୍ଦରେ ପଚାରିପାରନ୍ତି ଏହାକୁ ଆଧାର କରି ବିଶିଷ୍ଟ କବି ସୌରୀନ୍ଦ୍ର ବାରିକ ପିଲାମାନଙ୍କ ପାଇଁ ଏହି କାହାଣୀଗୁଡ଼ିକ ପ୍ରସ୍ତୁତ କରିଛନ୍ତି କଥା ଛଳରେ ବିଭିନ୍ନ ବିଷୟରେ ଶିକ୍ଷଣୀୟ ତଥ୍ୟ ଦେଇ ସେମାନଙ୍କର ସାଧାରଣଜ୍ଞାନ ବି ବଢ଼ାଇଛନ୍ତି ଦୁଇ ଭାଗରେ ପ୍ରସ୍ତୁତ ଏହି ପୁସ୍ତକର ପ୍ରଥମ ଭାଗରେ ପ୍ରସ୍ତୁତ ଏହି ପୁସ୍ତକର ପ୍ରଥମ ଭାଗରେ ୭ଟି ଓ ଦ୍ବିତୀୟ ଭାଗରେ ୬ଟି କାହାଣୀ ରହିଛି |
|
ଶବ୍ଦରୁ ଇତିହାସ
(ପ୍ରଥମ ଭାଗ ଓ ଦ୍ବିତୀୟ ଭାଗ)
ଲେଖକ : ଅସିତ ମହାନ୍ତି
ମୂଲ୍ୟ : ଟ. ୩୫/- (ପ୍ରତିଖଣ୍ଡ)
ବିଶ୍ବ ଇତିହାସ ସଂପର୍କରେ ପିଲାଙ୍କର ଜ୍ଞାନବୃଦ୍ଧି କରିବାପାଇଁ ଏକ ସ୍ବତନ୍ତ୍ର ଶୈଳୀରେ ଏହି ପୁସ୍ତକ ପ୍ରସ୍ତୁତ ବିଶ୍ବ ଇତିହାସର ବିଭିନ୍ନ ଗୁରୁତ୍ବପୂର୍ଣ୍ଣ ଘଟଣାକୁ ଗୋଟିଏ ଗୋଟିଏ ଶବ୍ଦର ଆଧାରରେ ଏହି ପୁସ୍ତକରେ ଲେଖକ ଅସିତ ମହାନ୍ତି ବର୍ଣ୍ଣନା କରିଛନ୍ତି ଖ୍ରୀଷ୍ଟପୂର୍ବ ୮୦୦୦ର ‘ମେସୋପଟାମିଆ’ରୁ ପ୍ରଥମ ଭାଗ ଆରମ୍ଭ ହୋଇ ଖ୍ରୀଷ୍ଟପୂର୍ବ ୩୫୦୦ର ‘ଲୁହା’ରେ ଶେଷ ହୋଇଛି ଏବଂ ଦ୍ବିତୀୟ ଭାଗ ଖ୍ରୀଷ୍ଟପୂର୍ବ ୨୨୮୬ରୁ ଆରମ୍ଭ ହୋଇ ଖ୍ରୀଷ୍ଟପୂର୍ବ ୪୬୦ର ହିପୋକ୍ରେଟିସରେ ଶେଷ ହୋଇଛି |
|
ନୀଳ ଠେକୁଆ
ଲେଖକ : ରବୀନ୍ଦ୍ର ନାଥ ମାଝୀ
ମୂଲ୍ୟ : ଟ. ୪୦/-
ବଣରେ ରହୁଥିବା ଗୋଟିଏ କଉତୁକିଆ ଠେକୁଆକୁ ନେଇ ଏହି ଶିଶୁ ଉପନ୍ୟାସ ରଚିତ ନୀଳ ରଂଗରେ ବୁଡ଼ି ନୀଳ ହୋଇଯାଇଥିବା ସେହି ଠେକୁଆ ମାଧ୍ୟମରେ ଲେଖକ ଶ୍ରୀ ରବୀନ୍ଦ୍ରନାଥ ମାଝୀ ଗଛକାଟି ଜଙ୍ଗଲ ଧ୍ବଂସ କରୁଥିବା, ଶିକାର କରି ବାଘ, ଭାଲୁ, ସମ୍ବରଙ୍କ ବଂଶ ଲୋପ କରୁଥିବା ମଣିଷ ବିରୋଧରେ ସ୍ବର ଉଠାଇଛନ୍ତି ପୁସ୍ତକର ଶେଷରେ ତେଣୁ ଠେକୁଆଟି ଆଗ ଦୁଇଗୋଡ଼କୁ ଯୋଡ଼ି ମାଟିକୁ ନମସ୍କାର କରି କହୁଛି, ‘ହେ ପ୍ରଭୁ, ମଣିଷକୁ ସଦବୁଦ୍ଧି ଦିଅ ବଣ ଜଙ୍ଗଲ, ଗଛପତ୍ର ଏହି ସବୁଦିନ ସବୁଜ, ସୁନ୍ଦର ହୋଇ ରହିଥାଉ ହସୁଥାଉ |
|
 କାର୍ଟୁନ୍ କଥା
(ପ୍ରଥମ ଭାଗ ଓ ଦ୍ବିତୀୟ ଭାଗ)
ଲେଖକ : ସ୍ବରାଜ ମିଶ୍ର
ମୂଲ୍ୟ : ଟ. ୪୦/- (ପ୍ରତିଖଣ୍ଡ)
କାର୍ଟୁନ୍ ଚିତ୍ର ଆଙ୍କିବାର ପରମ୍ପରା ଖୁବ୍ ପୁରୁଣା ଏବଂ ଏହ ପିଲାଙ୍କ ଖୁବ୍ ପ୍ରିୟ ସେଇଥିପାଇଁ ମୋଗଲି ମିକିମାଉସ୍, ଫାଣ୍ଟମ୍, ଚାଚା ଚୌଧୁରୀ, ଟମ୍ ଓ ଜେରି, ସୁପରମ୍ୟାନ୍, ଡେନିସ୍, ଟିନ୍ ଟିନ୍, ପପୟ, ସୁପ୍ପାଣ୍ଡି, ବିଟଲଜେଲି ଓ ରୋଡ଼୍ ସାଇଡ଼୍ ରୋମିଓ ବିଦେଶ ପିଲାଙ୍କର ଯେତିକି ପ୍ରିୟ ଆମ ପିଲାଙ୍କର ବି ସେତିକି ପ୍ରିୟ ଏମାନଙ୍କର କଥା ଓ କାହାଣୀକୁ ନେଇ ଦୁଇଭାଗରେ ଏହି ପୁସ୍ତକ ପ୍ରସ୍ତୁତ କରିଛନ୍ତି ଲେଖକ ଶ୍ରୀ ସ୍ବରାଜ ମିଶ୍ର ଏହା ଫଳରେ ଓଡ଼ିଆ ଭାଷାରେ ଥିବା ଏକ ଅଭାବ ଅନେକାଂଶରେ ପୂରଣ ହୋଇପାରିଛି |
|
ବଙ୍କିମ ଉପନ୍ୟାସମାଳା (୬ ଖଣ୍ଡର ସଂପୂର୍ଣ୍ଣ ସେଟ୍)
ମୂଳ ବଙ୍ଗଳା : ବଙ୍କିମ ଚନ୍ଦ୍ର ଚାଟାର୍ଜୀ
ଅନୁବାଦ : ଜାନକୀ ବଲ୍ଲଭ ପଟ୍ଟନାୟକ
ମୂଲ୍ୟ : ଟ. ୭୮୦/-
‘ବଙ୍କିମ ଉପନ୍ୟାସମାଳା’ ବଙ୍କିମ ଚନ୍ଦ୍ର ଚାଟାର୍ଜୀଙ୍କ କାଳଜୟୀ ଉପନ୍ୟାସ ସମଗ୍ରର ଓଡ଼ିଆ ଅନୁବାଦ ବଙ୍କିମଚନ୍ଦ୍ରଙ୍କର ମୋଟ ପନ୍ଦରଟି ଉପନ୍ୟାସ ଏଥିରେ ସଂକଳିତ ଦୁଇଖଣ୍ଡରେ ପ୍ରକାଶପାଇ ଏହା ୨୦୦୧ ମସିହାରେ କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାର ପାଇବାର ଗୌରବ ଲାଭ କରିଥିଲା ଏବେ ଏହା ନୂତନ ରୂପରେ ଛଅଖଣ୍ଡରେ ପ୍ରକାଶପାଇଛି ବିଶିଷ୍ଟ ଲେଖକ ତଥା ‘ଶ୍ରୀମଦ୍ ଭାଗବତ’ ଓ ‘ଭର୍ତ୍ତୃହରି ଶତକ’ର ସୁଖ୍ୟାତ ଅନୁବାଦକ ଶ୍ରୀଯୁକ୍ତ ଜାନକୀ ବଲ୍ଲଭ ପଟ୍ଟନାୟକ ଏହି ଅନୁବାଦ କରିଛନ୍ତି
ଏହି ଉପନ୍ୟାସମାଳାର ପ୍ରଥମ ଖଣ୍ଡରେ ସୁବିସ୍ତୃତ ମୁଖବନ୍ଧ ସହିତ ବଙ୍କିମଚନ୍ଦ୍ରଙ୍କର ପ୍ରଥମ ଉପନ୍ୟାସ ‘ଦୁର୍ଗେଶ ନନ୍ଦିନୀ’ ଓ ‘କପାଳ କୁଣ୍ଡଳୀ’, ଦ୍ବିତୀୟ ଖଣ୍ଡରେ ତିନିଟି ଉପନ୍ୟାସ ‘ରାଜସିଂହ’, ପଞ୍ଚମ ଖଣ୍ଡରେ କାଳଜୟୀ ଉପନ୍ୟାସ ‘ଆନନ୍ଦମଠ’ ଓ ‘ଦେବୀ ଚୌଧୁରାଣୀ’ ଏବଂ ଷଷ୍ଠ ତଥା ଶେଷ ଖଣ୍ଡରେ କ୍ଷୁଦ୍ର ଉପନ୍ୟାସ ‘ରାଧାରାଣୀ’, ଅସମାପ୍ତ ଉପନ୍ୟାସ ‘ବାରବାହିନୀ’ ଓ ଶେଷ ଉପନ୍ୟାସ ‘ସୀତାରାମ’ର ଅନୁବାଦ ସଂକଳିତ |
|
କୃଷ୍ଣାବତାର (୭ ଖଣ୍ଡର ସଂପୂର୍ଣ୍ଣ ସେଟ୍)
ମୂଳ ଇଂରାଜୀ : କେ. ଏମ୍. ମୁନସୀ
ଅନୁବାଦ : ଜୟନ୍ତୀ ପଟ୍ଟନାୟକ
ମୂଲ୍ୟ : ଟ. ୮୦୦/-
ମହାଭାରତ କେବଳ ଏକ ମହାକାବ୍ୟ ନୁହେଁ, ପ୍ରେମ ଓ ବୀରତ୍ବର ଏକ ରୋମାଞ୍ଚଭରା କାହାଣୀ ଅଲୌକିକତାର ଆଲୋକରେ ଏହା ଆଲୋକିତ ଏବଂ ଜୀବନ-ଧର୍ମର ପବିତ୍ର ମନ୍ତ୍ରରେ ଗୁଞ୍ଜରିତ ସର୍ବୋପରି ବିଶ୍ବର ସର୍ବଶ୍ରେଷ୍ଠ ବୌଦ୍ଧିକ ଓ ତାତ୍ତ୍ବିକ ଐଶ୍ବର୍ଯ୍ୟ ଭଗବତ୍ ଗୀତା ଏହାର ଅନୁପମ ଅବଦାନ ଏବଂ ଭଗବାନ୍ ଶ୍ରୀକୃଷ୍ଣ ଏହାର ପରମ ନାୟକ
ମହାଭାରତ ବର୍ଣ୍ଣିତ ଭଗବାନ୍ ଶ୍ରୀକୃଷ୍ଣଙ୍କର କାହାଣୀମାଳାକୁ ନେଇ କେ.ଏମ.ମୁନସୀଙ୍କ ‘କୃଷ୍ଣାବତାର’ ଏକ ଅଭିନବ ପରିକଳ୍ପନା ଇଂରାଜୀ ଭାଷାରେ ସାତଖଣ୍ଡରେ ଏହା ପ୍ରକାଶିତ ମୋହନବଂଶୀ, ସମ୍ରାଟଙ୍କ କ୍ରୋଧ, ପଞ୍ଚଭ୍ରାତ, ଭୀମଗାଥା, ସତ୍ୟଭାମାଙ୍କ କାହାଣୀ, ବ୍ୟାସଦେବଙ୍କ କାହାଣୀ ଓ ଯୁଧିଷ୍ଠିରଙ୍କ କାହାଣୀ ଶୀର୍ଷକରେ ତାହାର ସରଳ ଓଡ଼ିଆ ଅନୁବାଦ ଓଡ଼ିଆ ସାହିତ୍ୟକୁ ଶ୍ରୀମତୀ ଜୟନ୍ତୀ ପଟ୍ଟନାୟକଙ୍କର ଏକ ଅମୂଲ୍ୟ ଅବଦାନ |
|
|
|