| ଆମ ବହି |
|
|
| ପୂର୍ବ ପୃଷ୍ଠା ୧ ୨ ୩ ୪ ୫ ୬ ୭ ପର ପୃଷ୍ଠା |
 କଥା ଶତକ-୧, କଥା ଶତକ-୨
ସୌମ୍ୟରଂଜନ ପଟ୍ଟନାୟକ
ମୂଲ୍ୟ: ଟ. ୮୦/-
ପୃଥିବୀ ଗଳ୍ପମୟ, ଏହା କହିଥିଲେ ଓଡ଼ିଆ କଥା ସାହିତ୍ୟର ଜନକ ଫକୀର ମୋହନ ସେନାପତି ଏଣୁ ‘ଯାଯାବର’ ସାରା ପୃଥିବୀ ବୁଲୁଛନ୍ତି ଓ ଯେଉଁଠି ଭଲ ଗପଟିଏ ପାଉଛନ୍ତି, ତାହାକୁ ସାଉଁଟି ଆଣି ଆମକୁ ପରଷି ଦେଉଛନ୍ତି ‘ସମ୍ବାଦ’ର ‘କଥାଟିଏ’ ସ୍ତମ୍ବରେ ପ୍ରକାଶିତ ସେହିସବୁ ପ୍ରେରଣାପ୍ରଦ କାହାଣୀରୁ ୧୦୦ଟି ଲେଖାଏଁ କାହାଣୀକୁ ନେଇ ଏହି ବହି ସିରିଜର ପରିକଳ୍ପନା ଏହାକୁ ଅଧିକ ଆଦୃତ କରିବାପାଇଁ କଥାଗୁଡ଼ିକ ସହିତ ସୁନ୍ଦର ଚିତ୍ର ବି ଦିଆଯାଇଛି |
|
 ଆମ ଦେବଦେବୀ
ଅସିତ ମହାନ୍ତି
ମୂଲ୍ୟ: ଟ. ୮୦/-
ଆମର ଖୁବ୍ ପରିଚିତ ଷୋହଳ ଜଣ ଦେବଦେବୀଙ୍କୁ ନେଇ ଏ ବହି ସେମାନଙ୍କ ମଧ୍ୟରେ ଯେମିତି ଗଣେଷ ଓ ସରସ୍ବତୀଙ୍କ ପରି ବିଦ୍ୟାଦାତା ଓ ବିଦ୍ୟାଦାତ୍ରୀ ଅଛନ୍ତି, ସେମିତି ବି ଅଛନ୍ତି ବ୍ରହ୍ମା, ବିଷ୍ଣୁ,ମହେଶ୍ବର,ଇନ୍ଦ୍ର, ଚନ୍ଦ୍ର ଓ ସୂର୍ଯ୍ୟ, ଦୁର୍ଗା,ଲକ୍ଷ୍ମୀ ଓ କାର୍ତ୍ତକ ପୁଣି ଗୋମାତା କାମଧେନୁ, ପକ୍ଷୀରାଜ ଗରୁଡ଼ ଓ ସର୍ପରାଜ ବାସୁକୀ ଏବଂ ଆଦିକବି ସାରଳା ଦାସଙ୍କ କଳ୍ପନାର ଅଦ୍ଭୁତ ଅବତାର ନବଗୁଞ୍ଜର ଓ ସଂକଟମୋଚନ ହନୁମାନଙ୍କ କାହାଣୀ ଏଥିରେ ସଂକଳିତ |
|
 ଆମ ସମୟର ସପ୍ତାଶ୍ଚର୍ଯ୍ୟ
ଶିବ କୁମାର ଦାସ
ମୂଲ୍ୟ: ଟ. ୫୦/-
ପ୍ରାଚୀନ ସପ୍ତାଶ୍ଚର୍ଯ୍ୟ ପରେ ଆମ ସମୟର ସାତଟି ଆଶ୍ଚର୍ଯ୍ୟ କୀର୍ତ୍ତକୁ ନେଇ ଏହି ବହି ‘ନ୍ୟୁ ଓପନ ୱାର୍ଲଡ଼ କର୍ପୋରେସନ୍’ ନାମକ ଏକ ସଂସ୍ଥାର ଉଦ୍ୟମରେ ୨୦୦୭ ମସିହାରେ ଏହି ନୂଆ ସପ୍ତାଶ୍ଚର୍ଯ୍ୟ ଏସ୍.ଏମ୍.ଏସ୍. ଓ ଇ-ମେଲ୍ ଭୋଟ୍ ମାଧ୍ୟମରେ ବଛା ଯାଇଥିଲା ୧୩ ପ୍ରତିଶତରୁ ଅଧିକ ଭୋଟ ପାଇ ଆମ ଭାରତର ତାଜମହଲ ମଧ୍ୟ ଏଥିରେ ସ୍ଥାନ ପାଇଥିଲା ତାଜମହଲ ବ୍ୟତୀତ ଚୀନର ବିରାଟ ପ୍ରାଚୀର, ରୋମର କଲୋସିୟମ୍, ଜୋର୍ଡ଼ନର ପେଟ୍ରା, ପେରୁର ମାଚୁ ପିକଚୁ, ମେକ୍ସିକୋର ଚିଚେନ୍ ଇତଜା ଓ କ୍ରାଇଷ୍ଟ ଦ ରିଡ଼ିମରକୁ ନେଇ ଏହି ସଚିତ୍ର ପୁସ୍ତକ ପ୍ରସ୍ତୁତ |
|
 ଅମର ବିଶ୍ବ ସାହିତ୍ୟ
ଦାଶ ବେନହୁର
ମୂଲ୍ୟ: ଟ. ୪୦/-
ପୃଥିବୀରେ ବିଭିନ୍ନ ଭାଷାରେ ଅନେକ ଅମର ସାହିତ୍ୟ କୃତି ରହିଛି ସମୟ ଓ ସ୍ଥାନର ପ୍ରକାରଭେଦରେ ସେହିସବୁ ସୃଷ୍ଟି ମଣିଷ ସମାଜକୁ ଆକୃଷ୍ଟ କରି ଆସିଛି ଆନନ୍ଦ ଦେଇଛି, ରାହା ଦେଖାଇଛି ସେହିପରି ଦଶଟି ବିଶ୍ବପ୍ରସିଦ୍ଧ କୃତିକୁ ନେଇ ଏ ବହି ଏଥିରେ କେତୋଟି ବିଶ୍ବପ୍ରସିଦ୍ଧ ଉପନ୍ୟାସ, ଗୋଟିଏ କାବ୍ୟଗ୍ରନ୍ଥ ଏବଂ ଗୋଟିଏ ନାଟକର ସଂକ୍ଷିପ୍ତ ରୂପ ପାଠକଙ୍କ ପାଇଁ ପରିବେଷଣ କରାଯାଇଛି ସେହିସବୁ ସାହିତ୍ୟକୃତିର ବରେଣ୍ୟ ସ୍ରଷ୍ଟାଙ୍କ ସଂପର୍କରେ ମଧ୍ୟ ସଂକ୍ଷିପ୍ତ ଓ ସଚିତ୍ର ପରିଚୟ ଦିଆଯାଇଛି |
|
 ସେମାନେ ଯେବେ ସାନ ଥିଲେ
ଦାଶ ବେନହୁର
ମୂଲ୍ୟ: ଟ. ୩୦/-
ପିଲାଦିନ ଅନେକ ଭଲମନ୍ଦ କଥାରେ ଭରପୁର ମାତ୍ର ସେଥିରେ ମନ୍ଦ ଯେତିକି ଥାଏ, ତାଠାରୁ ଅଧିକ ଭଲ ଥାଏ ଭଲ ଭଲ କଥାର ଅନୁଭବ ସେଇଥିପାଇଁ ମଣିଷ ବଡ଼ ହେଇଗଲା ପରେ ସାନ ବେଳର କଥାକୁ ଝୁରେ ସେଦିନର କଥାକୁ ମନେ ପକେଇ ଆନନ୍ଦ ପାଏ ତେବେ ସେହି ପ୍ରତିଭାବନ୍ତ ମଣିଷମାନଙ୍କର ପିଲାଦିନର କାହାଣୀ ଅନ୍ୟମାନଙ୍କୁ କେବଳ ଆନନ୍ଦ ଦିଏ ନାହିଁ, ଆଲୁଅର ଝଲକ ମଧ୍ୟ ଦେଖାଏ ଏହି କଥାକୁ ଆଖି ଆଗରେ ରଖି ଦଶଜଣ ବିଖ୍ୟାତ ଓଡ଼ିଆଙ୍କ ପିଲାଦିନର କଥାକୁ ନେଇ ଏହି ବହିଟି ପ୍ରସ୍ତୁତ କରାଯାଇଛି |
|
 ପ୍ରେମ କଥା
ସଂପାଦନା: ସୌମ୍ୟରଂଜନ ପଟ୍ଟନାୟକ
ମୂଲ୍ୟ: ଟ. ୧୦୦/-
ଗତ ପଚିଶ ବର୍ଷ ମଧ୍ୟରେ ‘କଥା’ ପତ୍ରିକାରେ ପ୍ରକାଶ ପାଇଥିବା ନିର୍ବଚନ ପ୍ରେମଗଳ୍ପର ଏହା ଏକ ସଂଗ୍ରହଣୀୟ ସଂକଳନ ପ୍ରେମ ଏକ ସର୍ବକାଳୀନ ପ୍ରସଙ୍ଗ ହୋଇଥିବାରୁ ଏହା ସବୁଶ୍ରେଣୀର ପାଠକଙ୍କ ଦ୍ବାରା ପଠନୀୟ ଓ ସ୍ମରଣୀୟ ହେବ ଅଚ୍ୟୁତାନନ୍ଦ ପତି, ରବି ପଟ୍ଟନାୟକ, ବିଭୁତି ପଟ୍ଟନାୟକ, ଅକ୍ଷୟ ମହାନ୍ତି, ତରୁଣକାନ୍ତି ମିଶ୍ର, ଜଗଦୀଶ ମହାନ୍ତି, ଯଶୋଦାରା ମିଶ୍ର,ଶ୍ୟାମାପ୍ରସାଦ ଚୌଧୁରୀ, ପୁଷ୍ପାଞ୍ଜଳି ନାୟକ ଓ ଗୌରହରି ଦାସ ପ୍ରମୁଖ ୨୦ ଜଣ ଗାଳ୍ପିକଙ୍କ ପ୍ରେମଗଳ୍ପ ପାଠକପାଠିକାଙ୍କୁ ଏକ ଭିନ୍ନ ଜଗତକୁ ନେଇଯିବ |
|
 ଶ୍ରେଷ୍ଠ କଥା
ସଂପାଦନା: ସୌମ୍ୟରଂଜନ ପଟ୍ଟନାୟକ
ମୂଲ୍ୟ: ଟ. ୧୨୦/-
‘କଥା’ ପତ୍ରିକାର ରଜତ ଜୟନ୍ତୀ ଉତ୍ସବ ପାଳନ ଅବସରରେ ‘କଥା’ରେ ପ୍ରକାଶିତ ନିର୍ବଚିତ ଶ୍ରେଷ୍ଠ ଗଳ୍ପକୁ ନେଇ ଏହି ସଂକଳନ ପ୍ରସ୍ତୁତ ହୋଇଛି ସମାଜ ଓ ଜୀବନର ବୈଚିତ୍ର ଏହି ଗଳ୍ପଗୁଡ଼ିକରେ ପ୍ରକଟିତ ପୁଣଇ ପଚିଶ ବର୍ଷର ବ୍ୟବଧାନରେ ଓଡ଼ିଆ ଗଳ୍ପର ଚିତ୍ର ଓ ଚରିତ୍ର ସଂପର୍କରେ ଏକ ତୁଳନାତ୍ମକ ଆଲୋଚନାପାଇଁ ମଧ୍ୟ ଏହା ଉପାଦେୟ ହେବ ଗତ ପଚିଶ ବର୍ଷ ଭିତରେ ଯେଉଁମାନେ ‘କଥା’ର ଗ୍ରାହକ ନଥିଲେ, ସେମାନେ ଏବଂ ଆଜି ଯେଉଁମାନେ ନୂଆ ପିଢ଼ିର ଗ୍ରାହକ ସମସ୍ତଙ୍କ ପାଇଁ ଏହା ଏକ ସଂଗ୍ରହଣୀୟ ସଂକଳନ |
|
 ବାଚସ୍ପତି ମହୋଦୟ !
ସଂପାଦନା: ଜାନକୀ ବଲ୍ଲଭ ପଟ୍ଟନାୟକ
ମୂଲ୍ୟ: ଟ. ୨୦୦/-
ଶ୍ରୀଯୁକ୍ତ ଜାନକୀ ବଲ୍ଲଭ ପଟ୍ଟନାୟକ ୨୦୦୪ରୁ ୨୦୦୯ ପର୍ଯ୍ୟନ୍ତ ବିରୋଧୀ ଦଳ ନେତା ଥିବା ବେଳେ ଓଡ଼ିଶା ବିଧାନ ସଭାରେ ଦେଇଥିବା ଗୁରୁତ୍ବପୂର୍ଣ୍ଣ ଭାଷଣଗୁଡ଼ିକୁ ନେଇ ଏହି ସ୍ବତନ୍ତ୍ର ସଂକଳନଟି ପ୍ରସ୍ତୁତ ଓଡ଼ିଶାର ବନ୍ୟା,ବାତ୍ୟା ଓ ମରୁଡ଼ି ପରି ପାକୃତିକ ଦୁର୍ବିପାକ ଏବଂ ଶିକ୍ଷା, ଶିଳ୍ପ, ଅର୍ଥ, ଶକ୍ତି,ଜଳସେଚନ ଆଦି ବିଭିନ୍ନ ସମସ୍ୟା ସଂପର୍କରେ ଗୁରୁତ୍ବପୂର୍ଣ୍ଣ ମତ, ମନ୍ତବ୍ୟ ଓ ତଥ୍ୟ ଏବଂ ମୂଲ୍ୟବାନ ମାର୍ଗନିର୍ଦ୍ଦେଶ ପୁସ୍ତକଟିର ବିଶେଷତ୍ବ |
|
|
|